Олон улсын эрүүл мэндийн систем, ашгийн бус байгууллагуудын олон тэрбум долларын хүчээр боссон КОВАКС холбооны гол зорилго нь "Ковид-19"-ийн эсрэг вакциныг ядуу, баян орнуудтай ижил хурдаар хүргэх чиглэлтэй билээ. Гэвч хөрсөн дээрээ КОВАКС зорилтот тоон дээр хүрч чадахгүй нь нэгэнт тодорхой болж хагас тэрбумаар дутуу тоон дээр очиж уналаа.
Иймээс, харамсалтай нь одоогийн байдлаар вакцинаа улс орнуудад бодитоор хүргэж чадахгүй байна.
Зургаадугаар сард Чад улсад 100,000 тун авсан боловч таван долоо хоногийн дараа 94,000 орчим тунг хэрэглээгүй хэвээр байна. Хөрш Бенин улсад өдөр бүр ердөө 267 удаагийн тун өгч ард иргэдэд хийж маш удаан хурдтай байсан тул 110 мянган тун AstraZeneca вакцины хугацаа дууссан байна.
Коронавирусийн Дельта хувилбар тархаж байгаа тул вакцины хомсдол нь ядуу орнуудыг улам бүр аюултай хамгаалалтгүй болгож байна. Шинээр хэдэн тэрбум вакцин хийхгүй бол шинэ хувилбарууд дэлхий даяар үргэлжлэн гарч ирж магадгүй гэж мэргэжилтнүүд анхааруулж байна.
"Ковакс бүтэлгүйтэх ёсгүй ч бүтэлгүйтэж байна" гэж Африкийн холбооны вакцин хүргэх хөтөлбөрийн дарга, доктор Аёаде Алакия хэлэв. Тэрээр "Бидэнд үнэхээр өөр сонголт байхгүй. Хүн төрөлхтний төлөө Ковакс ажиллах ёстой" гэсэн юм.
Дэлхийн бусад хэсэгт ковидтой холбоотой:
-
Герман улс Есдүгээр сараас эхлэн өндөр настан, эрүүл мэндийн байдал дордсон хүмүүст вакцины нэмэлт тарилга хийх болно.
-
YouTube нь коронавирусийн талаарх ташаа мэдээлэл тараасан хэмээн Sky News Australia-ийг хуудсыг хаажээ.
Б.Бүжлхамаа
www.nytimes.com
