АНУ-ын хамгийн ахмад цэргийн командлагч, генерал Марк Милли Трампын засаглалын сүүлийн саруудад хийсэн үйлдлээ хамгаалж, АНУ-ын цэргүүд татагдсаны дараа Афганистанд Аль-Каида ба ISIS-ийг сэргээн босгох "бодит боломж" байгааг хэлсэн байна.

Тэрээр мягмар гаригт хууль тогтоогчдод өгсөн мэдүүлэгтээ, өнгөрсөн онд Хятад улсын ерөнхийлөгчтэй хийсэн дуудлагандаа "Хэрэв өөрийнх нь орны ерөнхийлөгч цөмийн зэвсэг хөөргөхийг оролдохоор бол түүнд анхааруулна" гэж хэлсэн гэдгээ хүлээжээ.

Мөн Генерал Марк Милли Ерөнхийлөгч Байденд АНУ-ын бүх цэргийг Афганистанаас гаргахгүй байхыг зөвлөсөн гэдгээ анх удаа олон нийтэд өмнө хүлээн зөвшөөрчээ. Тэдний хэлснээр Афганистаны арми нуран унасан нь командлагчдыг гайхшруулсан гэсэн байна.

Марк Милли хэлэхдээ, "АНУ-руу дайрах хүсэл эрмэлзэлтэйгээр Аль Каида буюу ISIS-ийг Афганистанд сэргээн байгуулсан нь үнэхээр бодит боломж. Удирдлагагүй орон зайд үйл ажиллагаа явуулах нөхцлүүд ирэх 12-36 сарын хугацаанд бүрдэж магадгүй юм" гэсэн байна.

АНУ-ын нисгэгчгүй онгоц Наймдугаар сарын 29-нд Кабулд бөмбөгдөлт хийж 10 гаруй энгийн иргэнийг хөнөөсөн. Үүний дараа сенаторууд цэргийн дээд албан тушаалтнуудаас юу болсныг шууд асуух боломжтой болсон юм.

Б.Бүжлхамаа

www.nytimes.com