Казахстан болсон жагсаалын үйл явдал шатахууны үнийн өсөлтөөс эхэлж, олон мянган хүн гудамжинд гарсан юм. Энэхүү жагсаал нь сүүлийн хэдэн арван жилд газрын тосоор баялаг тус улсыг хамарсан эсэргүүцлийн хамгийн том давалгаа боллоо.

Лхагва гаригт эсэргүүцэгчид Казахстаны хамгийн том хот болох Алматы хотын засгийн газрын байр руу дайран орж, ерөнхийлөгчийн хуучин ордон болон эрх баригч Нур Отан намын байрыг шатаажээ. Жагсагчид 400 аж ахуйн нэгжийг хохироосон бөгөөд 200 хүнийг саатуулсан гэж цагдаа нар мэдэгдэв.

Орон нутгийн хэвлэл мэдээллийн хэрэгслүүдийн мэдээлснээр Атырау хотод цагдаа нар гал нээж, нэг хүн амиа алдсан байна.

Эрх баригч нам буулт хийсэн ч иргэдийн уур бухимдал дээд цэгтээ хүрч, Засгийн газар, Ерөнхий сайдыг огцруулсан юм. Эсэргүүцэл үргэлжилсээр байгаа энэ үед ерөнхийлөгч "хамгийн их хатуужилтай ажиллана" гэж амлав. 

Эрх баригчид интернетийг улс орон даяар хааж, олон нийтийн сүлжээ, чат програмуудыг мөн хаажээ.

Засгийн газар шингэрүүлсэн хийн үнийн дээд хязгаарыг цуцалж, шатахууны үнийг хоёр дахин нэмэгдүүлсний дараа ням гаригт эсэргүүцлийн жагсаал эхэлсэн байна. Жагсагчид 1991 онд Казахстан тусгаар тогтносноос хойш тус улсыг удирдаж байсан авторитар улс төрийн хүчнүүдийг огцруулахыг шаардаж байгаа юм.

ОХУ-ын Ерөнхийлөгч Владимир Путин Кремлийн нөлөөллийн бүс гэж үзэж байгаагийн гол цөм нь Казахстан юм. Кремлийг дэмжигч хэвлэл мэдээллийн хэрэгслээр болсон үйл явдлыг Оросын эсрэг явуулга гэж тайлбарлаж байна.

Б.Бүжлхамаа

www.nytimes.com