Ойрхи Дорнодын дээд хэмжээний уулзалт өчигдөр өндөрлөлөө. Израилийн дипломатууд, АНУ болон Арабын дөрвөн улс болох Марокко, Арабын Нэгдсэн Эмират, Бахрейн, Египет зэрэг улсууд Израильд биечлэн уулзаж, анхны хэлэлцээгээ хийлээ.
Хэлэлцүүлгийн гол төв нь Иран болон Персийн булангийн газрын тосны байгууламжид халдсан Йемен дэх Израилын дэмждэг зэвсэгт хүчний талаарх нийтлэг санаа зовоосон асуудал юм. Ойрхи Дорнодын удирдагчид АНУ-д сэтгэл дундуур байгаа нь илт байв. Ирантай цөмийн шинэ гэрээ байгуулахыг эрэлхийлж, санал болгож буй хэлэлцээрийг эдгээр улсууд хэт зөөлөн гэж үзэн гэрээг буцаажээ.
Дипломатууд удахгүй болох шашны баяруудтай холбоотой үүсэж болзошгүй хурцадмал байдлын талаар ярилцаж, энэ нь Израильчууд болон Палестинчуудын хоорондох уур амьсгалыг нэмэгдүүлж болзошгүйг анхаарууллаа. Ням гаригийн шөнө Арабын зэвсэгт этгээдүүд Израилийн хойд хэсэгт ер бусын увайгүй халдлага үйлдэж, наад зах нь хоёр хүний аминд хүрсэн байна.
Энэ зуур Палестины төлөөлөгчид дээд хэмжээний уулзалтад оролцоогүйг Арабын ертөнцийн зарим хэсэг нь өөр нэг урвалт гэж үзжээ.
Мөн уулзалтын сонирхол татсан мэтгэлцээн хоол хүнстэй холбоотой байв. Удахгүй эхлэх Рамадан сарын өмнөхөн Украины дайнаас үүдэлтэй дэлхий дахин хүнсний хомсдолд орж хүнсний үнэ нэмэгдсэнд дипломатууд санаа зовж байна.
Б.Бүжлхамаа
www.nytimes.com
