Орос улс цэрэг, дипломатын холимог дохио илгээж байгаа тул Украины талаарх өөдрөг байдлыг гутранги болгож байна. Мягмар гаригт Истанбулд болсон энхийн хэлэлцээнд Оросууд байлдааны ажиллагааг бууруулна гэж мэдэгдэн ахиц гарсан мэт санагдсаны дараа лхагва гаригт Киевийн зах болон хойд хэсгийн Чернигов хотуудад шинэ халдлага боллоо.

Төөрөгдөл нь зөвхөн үг, үйлдлүүдийн хоорондын үл нийцэх байдлаас үүдэлтэй биш юм. Лхагва гаригт Кремлийн дээд хэвлэлийн төлөөлөгч ахиц дэвшил бага байна гэж мэдэгдлээ. Хэдхэн цагийн дараа тус улсын хэлэлцээний ахлах төлөөлөгч хэлэхдээ, "Украин Оростой хэвийн, сайн хөршийн харилцаа тогтооно" гэж найдаж байна гэсэн юм.

АНУ-ын тагнуулын албаныхан ОХУ-ын Ерөнхийлөгч Владимир Путинд түүний хариу үйлдэл үзүүлэхээс эмээсэн туслахууд нь халдлагын талаар ташаа мэдээлэл өгч, Батлан ​​хамгаалах яамтай нь хурцадмал байдал үүсгэсэн гэж таамаглаж байна.

Яг тухайн орчинд хүмүүнлэгийн байдал улам дордож байгаа юм. Донбассын захад орших Хуляиполь хотын оршин суугч “Би яг л аймшгийн кинонд амьдарч байгаа юм шиг" гэлээ. 

Дөрвөн сая хүн Украиныг орхин дүрвэсний хоёр сая нь хүүхэд гэж НҮБ мэдээлэв.

Шинжээчид одоогийн газрын тосны хямрал улам даамжирч, Европын түлшний нийлүүлэлтэд ангал дээр очно гэж эмээж байна. Лхагва гаригт Герман байгалийн хийн хэрэглээг хязгаарлах арга хэмжээнд шилжсэн бол Их Британи фракцийн асуудлаар дахин хэлэлцүүлгийг эхлүүлэв.

Б.Бүжлхамаа

www.nytimes.com