Кэрри Лам Хонконгийн удирдагчаар дахин ажиллахгүй гэж даваа гаригт мэдэгдэв. Өдгөө 64 настай Кэрри Лам гэр бүлийн шалтгааны улмаас сонгуулиас татгалзаж байгаагаа хэлсэн боловч шүүмжлэгчид хоёр сарын дотор 8,000 гаруй хүний ​​аминд хүрсэн ковидын дэгдэлтээр хотыг удирдаж чадаагүй болохоороо ийн үүрэг хариуцлагаас зугтлаа гэж үзэж байна.

Кэрри Ламын хяналтан дор хот даяарх эсэргүүцлийн жагсаал улс төрийн хуваагдлыг гүнзгийрүүлээд байгаа. Шинээр батлагдсан Үндэсний аюулгүй байдлын тухай хууль нэгэн цагт идэвхтэй байсан иргэний нийгмийг чимээгүй болгосон. Мөн тахал өвчнийг хязгаарласан бодлого нь Хонконгийн Азийн дэлхийн хот болох статусыг арилгаж буй.

Хямрал бүрт Кэрри Лам Бээжингийн хүсэлд үйлчлэхийг хичээдэг байсан юм. Шүүмжлэгчдийн үзэж байгаагаар, Кэрри Лам хувийн эрх чөлөөний системчилсэн ухралтыг сайн хянаж, өдрөөс өдөрт өсөн нэмэгдэж буй Хятадын дарангуйлагч дэглэмийн сүүдэрт илүү шургалж, олон улсын хамтын нийгэмлэгээс улам их Хонконгийг тусгаарласан гэв.

Одоо цагт тус хотын коронавирусийн нас баралтын түвшин дэлхийн хамгийн өндөрт тооцогдож байгаа бөгөөд ихэнх нь өндөр настай хүмүүс вакцинд хамрагдаагүй байсантай холбоотой юм.

Дэлхийн бусад хэсэгт ковидтой холбоотой:

• Шанхайд гарсан дэгдэлтийг арилгахын тулд Хятад улс 2000 цэргийн эмч, 10 мянга гаруй эмнэлгийн ажилтнаа илгээжээ.

• Австрали улс эмзэг бүлгийнхэнд хоёр дахь удаагаа нэмэлт тусламж үзүүлж эхэлжээ.

• Дэгдэлт гарсан ч Тайвань хорио цээрийн арга хэмжээгээ зөөлрүүллээ.

• АНУ-ын сенаторууд дэлхийн вакцинжуулалтын санхүүжилтийг 5 тэрбум доллараар танаж магадгүй байна.

Б.Бүжлхамаа

www.nytimes.com