Хэрэв Финлянд болон Швед улс Умард Атлантын эвсэл болох НАТО-д элсэх юм бол тус улс Балтийн тэнгис дэх хүчээ бэхжүүлэх шаардлагатай болно гэж Оросын Аюулгүйн зөвлөлийн орлогч дарга мэдэгдлээ. Өчигдөр буюу пүрэв гаригт Дмитрий Медведев Telegram хуудсандаа, "Хэрэв улс орнууд Барууны цэргийн эвсэлд нэгдвэл Балтийн тэнгисийн цөмийн зэвсэггүй статус байхгүй болно" гэж бичжээ.
Энэ нь хуурай замын болон агаарын довтолгооноос хамгаалах хүчийг нэмэгдүүлэхийн зэрэгцээ Финландын буланд "тэнгисийн цэргийн чухал хүчин" байршуулна гэсэн үг гэж Оросын ерөнхийлөгч, ерөнхий сайд асан хэлж буй юм.
Мөн тэрээр Финлянд эсвэл Швед улс НАТО-д элсэх нь "Орос НАТО хоорондын хуурай газрын хилийн урт хоёр дахин нэмэгдэнэ. Мэдээжийн хэрэг, эдгээр хилийг бэхжүүлэх шаардлагатай" гэжээ.
Литвийн Батлан хамгаалахын сайд Арвидас Анушаускас "Калининград мужид хэдийнэ цөмийн зэвсэгтэй болсон тул аюул заналхийлэл байх л зүйл, хачирхалтай биш" гэж мэдэгдэв.
Финлянд, Швед аль аль нь эвсэлд нэгдэхээс татгалзаж байсан бол Украин дахь дайн яриаг өөрчилсөн юм.
Финлянд улс нь ОХУ-тай хуурай газраар 1340 км урт хиллэдэг юм байна.
Финландын Ерөнхий сайд Санна Мартин тус улс НАТО-д элсэх эсэхээ "Долоо хоногийн дараа шийднэ" гэж мэдэгдээд, "Украины дайн бүх зүйлийг өөрчилсөн" гэж хэлсэн билээ.
Энэ үеэр Медведев Финлянд, Швед хоёрыг НАТО-д элсүүлэх тухай асуудлыг Орос Украинд довтолгоогvй байсан ч хєдєлгєєнтэй байх байсан гэж үгүйсгэсэн юм.
Тэрээр “Тэднийг эвсэлд татан оруулах оролдлого өмнө нь ч гарч байсан. Эрүүл саруул ухаантай ямар ч хүн хилийн хурцадмал байдлыг нэмэгдүүлж, гэрийнхээ ойролцоо цөмийн хөдөлгүүртэй хөлөг онгоц байрлуулахыг хүсэхгүй" хэмээн сүрдүүлжээ.
Б.Бүжлхамаа
www.euronews.com
