Францын ерөнхийлөгчийн сонгуулийн сурталчилгааны сүүлийн өдрүүдэд Ерөнхийлөгч Эммануэль Макрон болон түүний хэт барууны үзэлтэй өрсөлдөгч Марин Ле Пен нар хүмүүсийн анхаарлыг татахын тулд эдийн засгийн хөтөлбөрийнхөө үндсэн шалыг өөрчилж, үүгээрээ илүү олон хүнийг даган намируулахыг хичээж байна.
ОХУ-ын Украины эсрэг дайны үр дагавраас үүдэн эдийн засгийн найдваргүй байдал нэмэгдэж, амьжиргааны өртөг нэмэгдэх вий гэсэн санаа зоволт нь аюулгүй байдал, цагаачлалын өмнө тулгамдсан асуудал болоод байгаа тул эдийн засгийн талаарх төсөөлөл хэн ялахыг тодорхойлж чадна.
Өнгөрсөн долоо хоногт Макрон Францын үндэсний тэтгэврийн тогтолцоог санхүүжүүлэхийн тулд тэтгэврийн насыг 62-оос 65 болгон нэмэгдүүлэх саналаа зөөлрүүлэх талаар бодож үзнэ гэж хэлжээ. Мөн Макрон айл өрх, аж ахуйн нэгжийн татварыг бууруулах талаар амласан байна.
Одоогийн тэтгэврийн насыг эрхэмлэдэг Ле Пен цэнхэр захтай сонгогчдын зүрх сэтгэлд ойр байгаа эдийн засгийн асуудалд анхаарлаа хандуулж байна. Макрон Украинд гал зогсоохыг оролдож байх хооронд Ле Пен Францын хот, хөдөөд очиж, эмзэг бүлгийн өрхүүдэд үзүүлэх татаасыг нэмэгдүүлж, Францын сарын хөдөлмөрийн хөлсний доод хэмжээг 10 хувиар нэмэгдүүлнэ гэж амлаж байгаа аж.
Ерөнхийлөгчийн сонгуулийн эцсийн санал хураалт ням гаригт явагдах бөгөөд Макрон хатуу өрсөлдөөнд ялах төлөвтэй байна.
Б.Бүжлхамаа
www.nytimes.com
