Нүүрсний 44 их наяд, УИХ-д байгаа 30 хулгайчийнхаа нэрсийг зарлаж хариуцлага хүлээлгэхийг шаардсан иргэд өчигдөр хотын төв талбайд эсэргүүцлийн жагсаал хийсэн. Энэ жагсаал өнөөдөр ч мөн үргэлжилнэ хэмээн мэдэгдээд байгаа.
Харин Хууль зүй, дотоод хэргийн сайд Х.Нямбаатар өнгөрсөн шөнө уг жагсаалын талаар олон нийтийн сүлжээгээр дамжуулан өөрийн байр сууриа илэрхийлжээ. Ингэхдээ "Үзэл бодлоо илэрхийлэн жагсаж байгаа залуустаа талархаж байна. Харин хулгай нь илрэх гээд юу ч хийхээс буцахгүй болсон хулгайч нар энэ хахир хүйтэнд 20, магадгүй 200 хүүхэд нүцгэлж эрүүл мэндийг нь зольж чадах юм байна гэдгийг харлаа" хэмээн жиргэжээ. Нүүрсний хулгайн эсрэг тэмцэлд олон нийтийн дэмжлэг чухлыг онцолсон Хууль зүйн сайд "Жагсаалын ард хулгайч нар бий" гэсэн нь сонирхол татав.
