УИХ-ын чуулганы өнөөдрийн нэгдсэн хуралдаан үргэлжилж байна.
Энэ үеэр нүүрсний хулгайн хэрэгт нэр цохогдож, сэжиглэгдээд буй УИХ-ын гишүүн Д.Бат-Эрдэнэ байр сууриа илэрхийллээ.
Тэрээр "Нүүрсний хулгайн асуудал эр зориг шаардсан ажил гэдгийг ойлгож байна. Улстөрийн эр зориг хэрэгтэй. Амьдрал нь доройтоод ард түмэн яалт ч үгүй жагсаж байгаа гэдгийг бүгд мэдэж байгаа. 1072 гээд хувьцаа хаана байна вэ гэдэг асуулт тавьж байна. Ард түмний зөв. Өгөхгүй байгаа компанийнх нь гэрээ хэлцэл, эдийн засгийн нөхцөл байдлыг нь мэдэх эрх яагаад байхгүй байгаа юм бэ. Тиймээс оффтейк гэрээг нэн яаралтай ил болгох шаардлагатай. Үүний араас олон зүйл аяндаа ил болох байх.
Гэхдээ экспортоо нэмэгдүүлэх ажлыг битгий гацаагаарай. "Эрдэнэс тавантолгой", "Тавантолгой" гэж хоёр өөр компани. Шүүхээр батлагдаж нотлогдоогүй байхад эрх баригч намынхан сөрөг хүчнээс О.Адъяасүрэн гишүүн бид хоёрын нэрийг хаа хамаагүй хэлж байна. Цөөнхөө дээрэлхээд байгаа юм уу. Хууль зөрчөөд байгаа гэдгээ хувь хүнийхээ үүднээс сайн бодоцгоогоорой" гэлээ.
