Улсын дээд шүүхийн нийт шүүгчийн хуралдааныг маргааш буюу хоёрдугаар сарын 9-ний өдөр товлогджээ. Уг хурлаар хоёр хүнийг Ардчилсан Намын даргаар бүртгүүлэх хүсэлтийг хэлэлцэх аж.
Л.Гантөмөрийг Ардчилсан Намын даргаар бүртгүүлэхээр Ч.Өнөрбаяр, Д.Ганбатыг Ардчилсан Намын даргаар бүртгүүлэхээр С.Эрдэнэ тус шүүхэд өргөдөл өгчээ.
Хуулийн дагуу улс төрийн нам болон удирдагчийг улсын бүртгэлд бүртгүүлэх хүсэлтийг Улсын дээд шүүх шийдвэрлэдэг билээ.
АН-ын тухайд дотроо хоёр хуваагдсан бөгөөд намын даргын сонгуулийг тус тусдаа явуулж, Л.Гантөмөр, Д.Ганбат хоёрыг батламжлаад байгаа юм.
Тус намын даргаар хэн нь бүртгэгдэх нь маргааш тодорхой болно.
