Урин дулааны улирал ирж цаг агаар дулаарч байгаатай холбогдуулан иргэд голын эрэг дагуу амарч, зугаалдаг. Сүүлийн өдрүүдэд нийслэлд гол, нуурын усанд осолдсон хоёр тохиолдол бүртгэгджээ.

Иймд:

-Гол, мөрөн нуурын ойролцоо амарч зугаалахдаа сонор, сэрэмжтэй байх,

-Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх,

-Хүүхдийг гол горхи, нуур, цөөрөм рүү ганцааранг нь явуулж тоглуулахгүй байх

-Согтууруулах ундаа хэрэглэсэн үедээ гол усанд орохгүй байх,

-Булчин, шөрмөс татах үед гол усанд орохоос татгалзах

-Түргэн урсгалтай гүнзгий голын усанд сэлэхээс зайлсхийх

-Гол горхи, нуурын ус гатлахдаа зориулалтын гарам, гүүрээр гарах

-Гол, усны ослоос урьдчилан сэргийлэхийг Нийслэлийн Онцгой байдлын газраас анхааруулж байна.