Тулгар төрийн байгуулагдсаны 2230, Их монгол улсын 815 жил, Ардын хувьсгалын 100 жилийн ойг тохиолдуулан зарим гэмт хэрэг, зөрчил үйлдсэн хүн, хуулийн этгээдийг эрүүгийн хариуцлага, зөрчлийн шийтгэлээс нэг удаа өршөөн хэлтрүүлэх өршөөл үзүүлэх тухай хуулийг Долдугаар сард УИХ-аас баталсан билээ.

Уг хуульд зааснаар 2017 оны Долдугаар сарын 1-ний өдрөөс 2021 оны Зургаадугаар сарын 24-ний өдрийн 00:00 цагаас өмнө Зөрчлийн тухай хуулийн 14.7 дугаар зүйлийг зөрчсөн хүн 2021 оны Аравдугаар сарын 1-ний өдрөөс өмнө торгох шийтгэлийн төлбөрийн 50 хувийг төлсөн бол үлдсэн хувийг өршөөн чөлөөлөх юм.

Энэхүү хугацаа болоход гурав хоёр үлдээд байна.

Гэтэл систем нь гацсан тул иргэд торгуулиа төлөхөөр урт дараалал үүсгээд байна.

Тодруулбал, торгууль төлөх цахим систем алдаа заах, торгуулиа төлсөн ч системд торгуулийн мэдээлэл нь хэвээр эсвэл торгуулийн дүн нь 100 хувь гарч ирж байгаа аж.

Энэ талаар холбогдох албан тушаалтнаас тодруулахад цахим систем саатсан учраас өчигдөрөөс эхлэн ачаалал гурав дахин нэмэгдсэн гэв.