"Ярууслын чуулган" Монгол туургатны цахим яруу найргийн наадмын сүүлчийн шатанд шилдгийн шилдэг 11 найрагч тунаж үлдсэнээс Азийн шилдэг яруу найрагч, нэрт сэтгэгч, зохиолч Д.Урианхай түрүүлж 30 сая төгрөгийн эзэн болжээ.
Дэд байрт МЗЭ-ийн шагналт яруу найрагч М.Амархүү, гутгаар байрт залуу яруу найрагч Г.Барсболд нар шалгарсан байна. Дэд байрын эзэн 15 сая, гутгаар байрын эзэн таван сая төгрөгийн шагнал хүртсэн байна. Харин тусгай байр болон нэрэмжит шагнал хүртсэн "Болор цом"-ын эзэн яруу найрагч Б.Баттулга, Д.Нацагдоржийн нэрэмжит шагналт яруу найрагч Т.Баянсан нар тус бүр гурван сая төгрөг, бусад оролцогчдыг тус бүр нэг сая төгрөгөөр байлжээ.
Сүүлийн шатны шалгаруулалтыг Төрийн шагналт зураач С.Саранцацралт, гавьяат жүжигчин Г.Золбоот, гавьяат жүжигчин О.Бат-Өлзий тэргүүтэй есөн шүүгч шүүн тунгаасан байна.
Ийнхүү хагас жилийн турш цахим орчинд үргэлжилж, яруу найрагчдын онгод цалгисан бүтээлүүдээр түмэн олны сонор, мэлмийг мялаан, оюуны цэнгэл эдлүүлсэн "Яруусахуйн чуулган" наадам өндөрлөлөө.
