Бүгд Найрамдах улсаа тунхаглаж, Анхдугаар үндсэн хуулиа баталсны ойд зориулсан улс, аймгийн алдар цолтой хүчит бөхийн барилдаан жил бүр уламжлал болон явагддаг билээ.
Түүх хуваалцахад, энэхүү барилдааныг анх 1984 онд 60 жилийн ойн өдөр Спортын төв ордонд зохион байгуулж эхэлж байжээ.
Тухайн 128 бөх барилдсанаас дархан аварга Х.Баянмөнх түрүүлж, улсын аварга Д.Хадбаатар үзүүрлэж байсан юм. Ийнхүү 1990 оноос хойш өнөөг хүртэл тогтмол зохион байгуулсаар ирсэн юм.
Энэхүү барилдаан 1996 онд тодорхой шалтгааны улмаас зохион байгуулагдаагүй бол 2009 онд N1H1 вирусын дэгдэлтээс, 2020 онд “Ковид-19” цар тахлын улмаас гээд нийт гурван удаа өнжиж байжээ.
Тэгвэл энэ жилийн буюу улсаа тунхаглаж, Анхдугаар үндсэн хуулиа баталсны 97 жилийн ойн 128 бөхийн барилдаан энэ сарын 26-нд Монгол бөхийн өргөөнд болохоор болжээ.
Бөхчүүдийг өнөөдөр, маргааш 10:00-17:00 цагийн хооронд цахимаар бүртгэж байна.
