Өмнөд Солонгос улсын дунд сургуульд сурдаг 13 настай монгол охиныг дээд ангийн дөрвөн сурагч охин нийлж зургаан цагийн турш хүлж байгаад зодсон ноцтой хэрэг гарсан.
Энэ бусармаг хэрэг хоёр улсын иргэдийг маш их бухимдуулж, Монгол болон Өмнөд Солонгосын иргэд #justiceformongoliangirl хэмээн тэмцлийг эхлүүлсэн билээ.
Мөн буруутай этгээдүүдийн нүүр царайг нь ил болгож, хуулийн хариуцлага хүлээлгэхийг шаардаж БНСУ-ын Ерөнхийлөгчид хандан гомдол гаргадаг цахим хаягт санал цуглуулж байна.
Иргэдийн санал 200,000 хүрвэл дээрх хэрэг БНСУ-ын Ерөнхийлөгч Мүүн Жэ Иний анхааралд хүрч, хэргийг авч хэлэлцэх юм.
Монгол охинтой холбоотой саналын тоо одоогоор 162,571 хүрээд байна.
Хүчирхийлэлд өртсөн Монгол охины эрхийг хамгаалах энэхүү саналд иргэн таны туслалцаа их бөгөөд та өдөрт нэг удаа санал өгөх боломжтой юм.
Өргөдөлд саналаа өгөх хугацаа 2022 оны Нэгдүгээр сарын 1-нд дуусна.
