Хөгжлийн банкны найдваргүй зээлдэгчдийн талаар Зариг сайт цуврал болгон мэдээлж байгаа юм. Энэ мэдээлэл дунд БСШУ-ны сайд асан Ё.Отгонбаярын эхнэрийн хамаарал бүхий компани Хөгжлийн банкинд 17.7 тэрбум төгрөгийн өртэй, найдваргүй зээлдэгчдийн жагсаалтад багтаж байгааг мэдээлсэн билээ.

Гэтэл үүний хариуд сайд асан Ё.Отгонбаяр өөрийн сошил хуудаснаа "Би хүнтэй суухдаа ах дүү чинь зээлтэй юу гэж асуух ёстой байсан уу?" бичжээ. 

Мөн тэрээр өөрийн албан ёсны хаягнаасаа "сэтгүүлчийг ална" гэж сүрдүүлсэн захидал илгээсэн байна.

Тодруулбал, "Та хоёроос болж салж байна, чамайг олж ална. Миний амьдралыг алсан бол хариугаа авна. Заригтай чинь хамт ална. Үнэн хорсож байна. Нэгэнт тануус тэгж байгаан бол алалцана” хэмээн сэтгүүлчдийн амь насанд заналхийлжээ.

Тэгвэл өнөөдөр 14:00 цагаас Сэтгүүлчдийн амь насанд заналхийлсэн асуудлаар Монгол ньюс мэдээллийн төвд Сэтгүүлч У.Оргилмаа, Н.Өнөрцэцэг, Ч.Лодойсамбуу, Г.Мөнхтуул, Ж.Мядагбадам, Н.Баасандамба, Ч.Доржбат нар мэдээлэл хийхээр болжээ. 

Мөн Монголын сэтгүүлчдийн нэгдсэн эвлэлээс мэдэгдэл гаргаад байна.