Трампын тамгийн газраас ням гаригт хийсэн мэдэгдэлдээ, ОХУ-ын тагнуулын холбооны болон хувь хакерчид гадаадын засгийн газрын нэрийн өмнөөс АНУ-ын засгийн газрын гол сүлжээнд болон имэйлийн системд нэвтэрч, том цахим халдлага үйлдсэн байж болзошгүй гэж мэдэгджээ.

Тодруулбал, АНУ-ын Санхүүгийн болон Худалдааны газруудад тус хакерууд нэвтэрч, үндэсний аюулгүй байдалтай холбоотой агентлагуудын мэдээлэлд нэвтрэн, чиглэл өгсөн байж болзошгүй байгаа аж. Тус халдлага нь сүүлийн таван жилийн хугацаанд хийгдсэн хамгийн боловсронгуй, магадгүй хамгийн том хакеруудын нэг байх гэж албаныхан үзэж байна. Мөн засгийн газрын бусад хэсэгт нөлөөлсөн эсэхийг тогтоохоор ажиллаж байгаа аж.

Яах гэж ийм халдлага үйлдсэн сэдэл нь одоохондоо тодорхойгүй хэвээр байна. Энэ талаар сайн мэддэг хоёр хүн хэлэхдээ, "халдлага хэр хор хөнөөлтэй байсныг хэлэхэд ойрхон байна" гэжээ. Тэдний мэдээлснээр, халдлагууд өнгөрсөн хавар эхэлсэн байж магадгүй гэнэ. Энэ нь цар тахлын хэдэн сар болон сонгуулийн турш хийгдсэн байх магадлалтай гэсэн үг юм.

Тус хэргийг үйлдэхдээ хакерууд SolarWinds хэмээх компанийн сүлжээг удирдахад ашигладаг програм хангамжийн үечилсэн шинэчлэлтэд кодыг ашиглажээ. Ийм төрлийн бүтээгдэхүүн нь корпорацийн болон холбооны сүлжээнд өргөн хэрэглэгддэг бөгөөд өнгөлөн далдлалт хийж илрүүлэхээс зайлсхийхийн тулд вирустэй програмыг маш болгоомжтой ашигласан байжээ.

Бү.Лхамаа