“Талын салхи” олон улсын мото фестиваль зургаадугаар сарын 11-нд буюу бямба гаригт болно.
Өмнө нь Тэрэлж, Цонжин болдогт зохион байгуулдаг байсан эл наадам энэ жил Сүхбаатарын талбайд өрнөх аж.
Зургаадугаар сарын 11-ний өдөр мото спортынхон Хан-Уул дүүргийн “Буянт-Ухаа” цогцолбор-Хүннү молл-Уулын зам–Наадам центр-Сүхбаатарын талбай гэсэн чиглэлд парад жагсан орж ирэх юм. Үүнтэй холбоотойгоор дээрх чиглэлд 12:00-14:00 цагийн хооронд хэсэгчилж зам хаана. Цагдаагийн ерөнхий газрын Тээврийн цагдаагийн албаны Замын хөдөлгөөн хяналтын газраас 30 цагдаагийн албан хаагч ажиллаж, замын зохицуулалт хийхээр болсон байна.
Харин 14:30 цагаас Сүхбаатарын талбайд “Талын салхи” наадам нээлтээ хийнэ.
Энэ үеэр ховор нандин мотоциклын үзэсгэлэн, үзүүлэх тоглолт, мотоцикл болон дагалдах хэрэгслийн худалдаа, хоол үйлчилгээ, циркийн үзүүлбэр, урлагийн тоглолт болно. Мөн мото клуб, алдартай тамирчдыг танилцуулах юм. Энэ удаагийн фестивалийг “Эрүүл хүн-Архигүй Монгол” уриан дор зохион байгуулна.
Хөдөө, орон нутаг 21 аймгийн болон монгол туургатан улсуудын төлөөлөл 100 гаруй мотоцикл сонирхогчид оролцох юм.
“ТАЛЫН САЛХИ” ОЛОН УЛСЫН МОТО ФЕСТИВАЛИЙН ХӨТӨЛБӨР
2022 оны 06 дугаар сарын 09-ний өдөр
Улаанбаатар хот
| Хугацаа |
Арга хэмжээ |
| 09:00-12:00 |
“Буянт-Ухаа” нисэх буудлын талбай |
| 12:00-13:00 |
Мото сонирхогчдын парад |
| 11:00-21:00 |
Мото дагалдах хэрэгслийн үзэсгэлэн худалдаа, халуун хоол ундааны үйлчилгээ, өргөн зугаалга, фото болон бусад үйлчилгээ /Д.Сүхбаатарын талбай/ |
| 13:00-14:30 |
Жанжин Д.Сүхбаатарын талбайд оролцогч клубүүд байрлана |
| 14:30-14:45 |
Нээлт /хөтлөгч нээнэ/- Улаанбаатар театр /сэрсэн тал/ |
| 14:45-15:30 |
МУ-ын Ерөнхийлөгч У.Хүрэлсүх болон Нийслэлийн Засаг дарга бөгөөд Улаанбаатар хотын Захирагч Д.Сумъяабазар үг хэлнэ. Шагнал гардуулна. |
| 15:30-16:00 |
Урлагийн тоглолт- Улаанбаатар театр Циркийн үзүүлбэр |
| 16:00-17:00 |
Оролцогч клубүүдийн танилцуулга, мэндчилгээ Ховор нандин мотоциклын танилцуулга |
| 17:00-18:00 |
Тэмцээн уралдаан /мото уран жолоодлого, олс таталт, гар барилдаан, мото үзүүлбэр/ |
| 18:00-19:00 |
Хүндэд зочид, мото спортын ахмад тамирчдаа тайзнаа алдаршуулах арга хэмжээ, наадамд оролцсон клубүүдэд батламж гардуулах |
| 19:00-21:00 |
Еntertainment хөтөлбөр Язгуур урлаг: Хөсөгтөн, Онгод, Улаанбаатар театр Амьд хөгжим: Никитон, Нисванис, Наран, Отгоо, Булсара, lemons, Аравт, Growls of Clown, Rec On, U.F.O, The Tourists, Vagabond, Morning star Hip Hop: Wolfizm, Don dior, limit king, Rookie Циркийн үзүүлбэр Галын үзүүлбэр |
| 21:00-22:00 |
DJ/диско/ |
| 22:00 |
Хаалтын үйл ажиллагаа /Салют/ |
