Ерөнхий сайд Л.Оюун-Эрдэнэ нийтийн тээврийн үйлчилгээний нөхцөл байдалтай танилцах үеэрээ "Иргэд автобусанд суухаас ичдэг биш, харин суух сэдэл, сонголт, тав тухыг нь бид бүрдүүлж өгөх ёстой" хэмээн хэлсэн. 

Гэвч иргэд ичсэндээ биш, бусад олон хүчин зүйлээс шалтгаалан автобусаар зорчдоггүй болохыг санал асуулгын дүн харуулжээ. ikon.mn сайтаас явуулсан санал асуулгад иргэд,

-Хүрэлцээ муу, хүлээлгэдэг, ирсэн автобусанд багтдаггүй

-Цэвэрлэгээ муу хийдэг, утаатай, тав тухгүй

-Амьдардаг орчинд нь автобусны зогсоол байдаггүй, маршрут нь хэт хол, огт байдаггүй

-Төлбөрийн нөхцөл заавал карт шаарддаг, бэлэн мөнгөөр үйлчилдэггүй

-Богино эргэлтийн автобус байдаггүй, урт замд удаан явдаг

-Хувийн машинаар зорчих нь илүү хялбар, уян хатан

-Нийтийн тээрээр үйлчлүүлэхээс ичдэг нэр хүндаа боддог зэрэг шалтгааныг хэлсэн бөгөөд Ерөнхий сайдын хэлсэн "автобусанд суухаас ичдэг" шалтгаан хамгийн бага буюу 0,8 хувийн санал авсан байна. Харин санал асуулгад оролцсон иргэдийн 70 хувь нь "Хүрэлцээ муу, хүлээлгэдэг, ирсэн автобусанд багтаж орж чаддаггүй" гэж хариулжээ. 

Мөн 22 хувь нь "Цэвэрлэгээ муу, хүйтэн, утаатай" , хоёр хувь нь "Амьдардаг орчинд автобусны зогсоол байхгүй, маршрут хэт хол, эсвэл огт байдаггүй" гэсэн байна.