Эрүүл мэндийн байгууллагаар үйлчлүүлж буй иргэдээс автомашины зогсоол, төлбөртэй холбоотой санал гомдол тасардаггүй. Тэгвэл ЭМЯ-ны Төрийн нарийн бичгийн дарга Ц.Эрдэмбилэг мэдээлснээр нийслэлийн зургаан эмнэлэг гадаах зогсоолдоо төлбөр авдаггүй. Харин НИТХ-ын тогтоолын дагуу гаднах зогсоолоос нь төлбөр авдаг зургаан эмнэлэг зогсоолын төлбөрөөс ямар нэг хувь авдаггүй гэнэ. Хэдийгээр эмнэлгийн зогсоол ЭМЯ-ны эрхлэх асуудал биш боловч асуудлуудыг тухай бүрд нь Нийслэлийн Эрүүл мэндийн газарт тавьдаг. Зарим эмнэлэгт тухайн эмнэлэгт үзүүлсэн баримтаа үзүүлээд төлбөрөөс  чөлөөглөгддөг аж.

Гэсэн хэдий ч ойролцоох орон сууцных иргэд камержуулалт сайтай газар автомашинаа хонуулахын тулд эмнэлгийн зогсоолыг ашигладаг. Тэр нь эмнэлгээр үйлчлүүлж байгаа иргэдэд саад болдог аж. Тиймээс эрүүл мэндийн байгууллагуудын гаднах зогсоолыг төлбөртэй болгоод, эмнэлгээр үйлчлүүлсэн иргэдийг төлбөрөөс чөлөөлдөг болох нь зүйтэй гэж үзэж байгаа юм байна.