Францын парламентын доод танхим бага дунд ангийн сурагчдыг сургууль дээрээ ухаалаг утас хэрэглэхийг хориглосон хуулийн төслийг дэмжээд байна. Боловсролын яамнаас энэ хуулийн төслийг боловсруулж парламентад өргөн барьсан юм. Ийм хориг арга хэмжээг хэрэгжүүлснээр бага дунд сургуулийн сурагчид хичээлдээ илүү их анхаарлаа хандуулахын зэрэгцээ интернетээр зохисгүй бичлэг үзэж, ухаалаг утсанд хэт донтохоос сэргийлэх боломжтой гэж үзсэн юм.
Гэхдээ 2016 оны судалгааны дүнгээр 12-17 настай сурагчдын 90 хувь нь ухаалаг утас ашигладаг болох нь батлагдсан байна. тиймээс амьдралд хэрэгжүүлэх боломжгүй, хяналт тавьж чадахгүй хэмээн шүүмжлэгчид бас байгаа юм. Парламент дахь сөрөг хүчнийхэн энэ хуулийн төслийг эрх баригчдын пи ар алхам гэж нэрлэж байна.
