Украины улаан буудайн экспорт Орос түрэмгийлснээс хойш бараг зогссон бол харин ган гачиг Энэтхэг, Зүүн Африк, АНУ-ын үр тариаг сүйтгэж буй.
Одоо Хятадын ургац тодорхойгүй байгаа. Гуравдугаар сард тус улсын Хөдөө аж ахуйн сайд өнгөрсөн намар аадар бороо орсны улмаас улаан буудайн ургац түүхэн хугацаанд хамгийн муу байх болно гэж мэдэгдэж байсан.
Тэгвэл одоо тус улсын коронавирусийн хөл хорио нь газар тариаланг тасалдуулж, бордооны импортыг хойшлуулжээ. Эрчим хүчний үнэ өндөр байгаа нь дэлхийн бордооны үйлдвэрлэлийг бууруулж, дэлхийн олон фермерүүд бордоо бага хэрэглэж байгаа нь бага ургац авахад хувь нэмэр оруулж байгаа юм.
Долдугаар сараас эхлэн улаан буудайн үнэ 80 орчим хувиар өсөх магадлалтай байна. Орос, Украины ургацад тулгуурладаг бүс нутгуудад хүнсний үнэ инфляцийг дээд хэмжээнд хүрсэн. Герман зэрэг орнуудад түүхий эдийн үнэ хэт их өсж байгаа.
Хятад бол улаан буудайн дэлхийн хамгийн том үйлдвэрлэгч, хэрэглэгч бөгөөд өөрийн нөөцийн талаар сандарч байгаа нь дэлхийн нийлүүлэлтийн сүлжээнд нөлөөлж болзошгүй юм.
Ургац муу байгаа нь дэлхийн хүнсний үнийг улам өсгөж, өлсгөлөн, ядуурлыг нэмэгдүүлнэ.
Б.Бүжлхамаа
www.nytimes.com
