Израиль, Арабын Нэгдсэн Эмират улсын засгийн газрын сайд нар чөлөөт худалдааны хэлэлцээрт гарын үсэг зурсан бөгөөд үүнийг соёрхон баталснаар Израиль болон Арабын улс хоорондын хамгийн өргөн хүрээтэй хэлэлцээр боллоо.
Израиль, Эмират улсууд албан ёсны харилцаа тогтоосноос хойш хоёр жил хүрэхгүй хугацааны дараа хэлэлцээр хийгдсэн нь Арабын зарим удирдагчид олон жил дипломат байдлаар тусгаарлагдсаны дараа Израилийг хүлээн авахад бэлэн байгааг харуулж байна.
Хэлэлцээрээр хоёр улсын хооронд таван жилийн дотор худалдаалагдаж буй барааны 96 хувьд ногдуулах татварыг тэглэх юм. 2021 онд хоёр талын худалдаа 885 сая доллар болсон гэж Израилийн эдийн засгийн яам мэдээлжээ. Чөлөөт худалдааны хэлэлцээр нь худалдааны жилийн үнэ цэнийг таван жилийн дотор 10 тэрбум долларт хүргэх боломжийг олгоно гэж Эмират улсын эдийн засгийн яам мэдэгдэв.
Сонирхуулахад, Израиль пуужингийн довтолгоонд өртөх болгонд үндэсний цусны нөөц, тэдэнд зориулсан бүх тоног төхөөрөмжийг тэсрэх бөмбөгнөөс хоргодох байранд шилжүүлэх шаардлагатай болдог.
А.Долгор
