Биржийн арилжаагаар, Tesla компанийн хувьцаа дахин таван хувиар уналаа. Компанийн  Ерөнхий захирал Илон Маск амжилтгүй твит бичсэн нь үүний шалтгаан болжээ. Түүнийг компанитай нь хамт 40 сая ам.доллараар торгох тохиролцоо хийж удирдах ажлаас нь зайлуулж байгаа АНУ-ын Үнэт цаас ба биржийн комиссыг тэр элэглэсэн байв гэж The Washington Times сонин өгүүлжээ.

“Дамчдыг  баяжуулах Комисс (Shortseller Enrichment Commission ба  Securities and Exchange Commission гэсэн товчлолын эхний үсгүүд нь адилхан) ер бусын ажил амжуулж байна! гэж  би зүгээр л хэлэх гэсэн юм. Нэрийг нь солих нь сэдэвт яг таарна!” гэж тэр твиттертээ бичсэн байв.

Үүний өмнө есдүгээр сарын 6-нд Маск ба Комисс харилцан тохиролцож Илон тушаалаа өгөн 20 сая ам.доллараар торгуулах дээр хэл амаа олжээ. Мөн компанииас нь бас тийм хэмжээний торгууль авахаар болсон байлаа.

Комисс өмнө нь Маскийн компанийг хувийн болгон бүх хувьцаа тус бүрийг нь 420 доллараар худалдан авна гэсэн твитийн улмаас Маскийн эсрэг эрүүгийн хэрэг үүсгүүлэхээр гомдол гаргасан байв. Хувьцааны үнэ нь зах зээлийнхээс дээгүүр үнэлэгдсэн байснаас комисс түүнийг үнэт цаасны залилан хийж байна гэж буруутгасан байв. Маск шоронд орохгүйн тулд  комисстай тохиролцоо хийжээ. Хувьцаа эзэмшигчид нь Масктай заргалдаж, харин захирлуудын зөвлөл нь түүнийг дэмжсэн байлаа. Захирлуудын зөвлөл түүнийг лидерээ гэж үзсэнээс Маск ээлжит твитээ бичсэн байж магадгүй юм.

М.Цогт