Иргэдийн интернэт банканд 2021-2022 онуудад хууль бусаар нэвтэрч олон удаагийн үйлдлээр их хэмжээний хохирол учруулж, Турк Улс руу оргон зайлсан "Г" гэгчийг Эрүүгийн цагдаагийн албанаас интерполын шугамаар "Хөх" булант зараар эрэн сурвалжилж байжээ. 

Тус албаны Кибер гэмт хэрэгтэй тэмцэх хэлтсээс гэмт этгээдийг 2023 оны аравдугаар сарын 10-ны өдөр дайчлан баривчилж, мөрдөн шалгах ажиллагааг үргэлжлүүлж байна гэж ЦЕГ-аас мэдээллээ.