Европын хамгийн идэвхтэй галт уулын нэг Этна эрдэмтдийн анхаарлын төвд байгаа. Галт уулын зүүн өмнөд энгэр нь аажмар далайд нүүн нураж байна. Галт уулын усан доорх хэсгийг хиймэл дагуулаас судлах боломжгүй учраас тэр нүүлтийн ерөнхий зураглалыг гаргахад бэрхшээлтэй байгаа эрдэмтэд хэлж байна.
Галт уулын энгэрийн нуралтыг судлахаар Герман, Италийн эрдэмтэд уулын энгэрт таван транспондерыг байрлуулсан нь 90 минут тутам дууны дохиог нь дамжуулж байгаа аж. Энгэр нь нурж байгаа нь галт уулын идэвхи, халуун хайлмагийн өргөлттэй хамаагүйг эрдэмтэд тогтоож чадсан байна. Тэр нь таталцлын хүчний улмаас явагдаж, уулын энгэр нь өөрийн жингээс болон далайд нүүн нураж байна гэж тэд үзжээ. Тэр нь уулын чулуу шорооны гэнэтийн нуралтыг гаргаж магадгүй ба үүний улмаас сүйрлийн цунами үүсэх магадлалтайг тэд хэлж байна. Харин тийм гамшгийн хугацааг гаргах боломжгүйг гэж тэд хэлжээ.
М.Цогт
