Аюулт үзэгдэл, ослын тохиолдол 2018 оны эхний есөн сарын байдлаар 3,186 удаа болж, өмнөх оны мөн үеэс 264 (7.7%)-өөр буурсан хэдий ч амь насаа алдсан иргэдийн тоо өндөр хэвээр байна.

Хүснэгт. Аюулт үзэгдэл, осол, жил бүрийн эхний 9 сарын байдлаар

Тодруулбал, нийт 170 хүн амь насаа алджээ. Шалтгаанаар нь авч үзвэл

• усны ослын улмаас 92

• объектын түймрийн улмаас 53

• шар усны үерийн улмаас 15

• бичил уурхайн нурангийн улмаас 9

• химийн бодисонд хордсоны улмаас 1 хүн үхсэн байна. 

Аюулт үзэгдэл гэдэг нь хүчтэй цасан болон шороон шуурга, ган, зуд, үер, газар хөдлөлт, цөлжилт болох, гал түймэр, хүн, мал, амьтны болон ургамлын гоц халдварт өвчин гарах, хортон мэрэгчид тархах зэргийг ойлгоно. 

Аюулт үзэгдэл, ослын улмаас энэ оны эхний есөн сард 17.5 тэрбум төгрөгийн хохирол учирсныг Үндэсний статистикийн хорооны Нийгэм, эдийн засгийн тайланд дурдсан байна. Улсаас энэ бүхэнд 10.2 тэрбум төгрөг зарцуулсан нь сүүлийн дөрвөн жил дэх хамгийн өндөр үзүүлэлтэд орж байгаа юм. 

Үндэсний статистикийн хороо