Засгийн газар, Улсын онцгой комисс дөнгөж сая хуралдаж мэдээлэл хийлээ.
Энэ үеэр монгол улсад бүртгэгдэж байгаа халдварын тохиолдол болон маршрутаа ташаа мэдээлж, тандалт ажилд саад учруулсан жолоочийн талаар мэдээлэв.
Учир нь "Энхсаран" сувилалаас гарсны дараа коронавирусийн халдвар илэрсэн жолооч өөрийн маршрутаа буруу мэдээлж, нуусан байна.
Энэ талаар ЦЕГ-ын дэд дарга, хурандаа Ж.Амгалан: "Халдвар авсан иргэн болон нэгдүгээр хавьтал, дам хавьталын иргэд явсан газраа санаатай, санамсаргүй байдлаар худлаа мэдээлэх нь хуулийн заалттай. Зөрчлийн тухай хуулийн 5.13 гээд заалт байгаа. Хэрэв буруу мэдээлээд гэмт хэрэг шинжтэй болвол "гэмт хэргийг санаатай нуун дарагдуулсан" гээд зүйлээр асуудлыг шийднэ.
Монгол улсын нийт иргэддээ хандан хэлэхэд юмыг яаж мэдэхэв. Нэг, хоёр дугаар хавьталд орсон хүмүүс явсан газар маршрутаа нууж болохгүй. ХӨСҮТ-д манай мэргэжлийн баг ажиллаж байгаа. Хувь хүний хувийн нууцыг хамгаална. Хуулийн заалттай. Ийм учир эмч, цагдаагаас нуух шаардлага байхгүй. Тусгай бүс дотор ярилцаж байгаа шүү дээ. Тийм учраас ичиж зоволгүй маршрутаа хэлэхийг хүсч байна.
Иргэд хоорондын зайг барьж, халдвар хамгааллын дэглэмээ сахиж, хүнтэй дам хавьтагч болохоос зайлс хийх хэрэгтэй" гэлээ.
