Өнөөдрөөс үйл ажиллагааг нь нээж байгаа ААН-үүдэд тавих шаардлага болон дараагийн ээлжид нээгдэх бүх төрлийн барааны худалдаа эрхлэгчдэд өгөх зөвлөмжийн талаар мэдээлэл хийлээ.

Өнөөдөр үйл ажилланаа нь нээгдэж буй аж ахуйн нэгж: 

1. Цахилгаан бараа,

2. Тавилга,

3. Гар утасны төвлөрсөн худалдаа,

4. Түргэн үйлчилгээний цэг,

5. Цанын баазын үйлчилгээ зэрэг багтаж байна.

Цаашид үе шаттайгаар нээх салбар, чиглэлүүд, тухайлбал:

• Бүх төрлийн хувцас,

• Гэр ахуйн бараа,

• Бөс бараа,

• Гоо сайхны бараа,

Үйл ажиллагаа нь нээгдэж байгаа аж, ахуйн нэгжүүд дараах түр журмыг баримтална

Үйл ажиллагаа нь үе шаттайгаар нээгдэж байгаа аж, ахуйн нэгж, байгууллагууд ДЭМБ, ЭМЯ-наас өгсөн зөвлөмжийн дагуу батлагдсан дараах нийтлэг түр зааврыг мөрдөж, коронавирусийн халдвараас сэргийлэхийг уриалж байна.

Үүнд:

• Нийслэлийн Засаг даргын захирамжаар тогтоосон хугацааны хязгаарлалтад нийцүүлэн байгууллагын үйл ажиллагааны цагийн хуваарь баталж мөрдүүлэх,

• Хөдөлмөрийн аюулгүй байдал, эрүүл ахуй, халдвар хамгааллын төлөвлөгөө баталж, хэрэгжилтийг хангах,

• Баталгаат ундны эх үүсвэрэр хангагдсан байх,

• Ажиллагсдыг нэгдсэн зохион байгуулалтаар байгууллагын унаагаар тээвэрлэх боломжийг бүрдүүлэх,

• Байгууллагын хурал, семинар, олон нийтийг хамарсан үйл ажиллагаанд биечлэн оролцуулахгүй, зохион байгуулахгүй байх,

• Коронавируст халдвараас урьдчилан сэргийлэх санамж, зөвлөмжийг үйлчлүүлэгчдэд харагдахуйц ил тод байршуулах гэх мэтээр халдвар хамгааллын нийтлэг зааврыг мөрдөхийг анхааруулж байна гэж Онцгой байдлын ерөнхий газраас мэдээллээ.