Говь-Алтай аймгийн Алтай сумын Хилийн цэргийн 0214 дүгээр хилийн цэргийн ангид алба хааж байсан хугацаат цэргийн хоёр алба хаагч харуулын даргаа буудаж хөнөөгөөд, оргосон хэрэг гараад байна.

Тэд байлдааныы галт зэвсэгтэй оргосон бөөөд, ойролцоох айлын мотоциклыг дээрэмдэж цааш явжээ. 

Эрэн хайх ажиллагааг цагдаагийн байгууллага болон тагнуул, хил хамгаалахыг байгууллагаас томилогдсон бүлэг гүйцэтгэж байна. Мөн нэмэлтээр нисдэг тэрэг гарган хайх ажиллагааг үргэлжлүүлж байгаа аж.

Энэ талаар дэлгэрэнгүй мэдээллийг хил хамгаалах газраас өглөө. 

Хил хамгаалах ерөнхий газрын дэд дарга Ш.Лхачинжав "Хилийн цэргийн 0214 ангийн Дөрөвдүгээр заставын харуул дээр өчигдөр 18:00 цагт Монгол улсын хийлийн манаанд үүрэг гүйцэтгэж байсан байлдагч Х, М нарын бүрэлдэхүүнтэй манаа үүрэг гүйцэтгэсэн. Тэднийг ирэх явцад харуулын дарга нь манаагаа шалгаж буу туршихад, манаа гал нээж харуулын даргаа хөнөөгөөд зугтсан байна. Говь-Алтай аймгийн цагдаа, тагнуул, ангийн бүрэлдэхүүнтэй баг оргосон цэргүүдийг мөрөөр нь мөрдөөд явж байна. Хоёр цэргийн албан хаагч харуул дээр үлдсэн. Үлдсэн хоёр цэргээс манаанд явж ирээд ийм үйлдэл хийсэн гэдэг мэдээллийг өгсөн. Бид үлдсэн хоёр цэргээс харуулын даргын зүгээс цэргүүдэд янз бүрийн дарамт шахалт үзүүлсэн үү гэдгийг тодруулсан. Цэргүүдийн мэдээлснээр ямар нэг дарамт шахалт байгаагүй, харуулын дарга харин ч цэргүүдтэй эвтэй, оюунлаг, шүлэг уншиж өгдөг, хүнлэг харьцдаг байсан гэсэн мэдээллийг өгөөд байна.

Аймгаас шүүхийн шинжээчдийн баг газар дээр нь ажиллаж, хууль хяналтын байгууллагууд газар нөхцөл байдлыг тогтоохоор ажиллаж байна. 

Оргосон хоёр цэргийн нэг нь Ховд аймгийн Чандмань сумын харьяат Х, нөгөө нь Орхон аймгийн Баян-Өндөр сумын харьяат М нар юм. Тэд 2020 оны Аравдугаар сард татагдаж ирсэн. Цэргүүдийн сэтгэлзүйд ямар нэгэн анхаарал татахуйц зүйл мэдэгдээгүй. Хилийн ангиудад сэтгэлзүйч хүрэлцээтэй байгаа. Бид юунаас болсон талаар тандалт судалгаа хийж байна.

Хил хамгаалах байгууллага сүүлийн жилд бүтэц зохион багуулалтын хүрээнд байнгын ар гэртэй нь холбоо баридаг, бичүүлдэг ийм арга хэмжээ явуулдаг. Тухайн цэргийн толгойд тухайн цаг, мунитанд ямар юм орж ийм үйлдэл гаргаж, эх орондоо өргөсөн тангаргаасаа няцаж, хилээ орхисонд шууд дүгнэлт хийхэд эрт байна. 

Хэрэг үйлдсэн цэргүүдийн ар гэртэй холбоо тогтоосон, яаж хамтарч ажиллах вэ гэсэн байдалтай байна.

Хоёр цэрэг Алтай сумын М гэгчийн айлд ороод мотоциклыг нь гуйж аваад явсан байна. Улмаар Алтай сумаас 50 орчим км-т Хонхор гэдэг газарт мотоциклоо орхиод цааш уул руу цөхцөл байдал илэрсэн. Одоо мөрийг илрүүлээд мөшгөж байна.

Амиа алдсан албан хаагч эхнэр гурван хүүхэдтэйгээ амьдардаг байсан. Онцолж хэлмээр байна. Талийгаач шилдэг албан хаагч байсан. Эхнэр нь хилийн застав дээр цэргүүдийн хоол хийдэг ажил эрхэлдэг. 

Цэргийн алба хаагчтай зүй бус харицах, нэг цохих, өшөглөхөд хариуцлага тооцдог дүрэм журам гараад бил мөрдөөд явж байгаа. Харуулын офицер албан үүрэг гүйцэтгэж байхдаа архи уух зэрэг зөрчил гаргавал шууд албанаас чөлөөлдөг. 

Хэрэг үйлдсэн цэргүүд 18, 19 настай сайхан залуучууд өргөсөн тангаргаасаа няцаад ийм хэрэг үйлдээд явсанд маш их харамсаж байна.

Нэг жилийн хугацаат цэргээр хилийн манааг хийлгэх үү, гэрээт цэргээр мануулах уу гэдэгт төрийн бодлого үгүйлэгдэж байна. Ийм асуудал гарч байгаатай холбогдуулан хууль эрх зүйг сайжруулах шаардлагатай байна. Хүний хүчээс илүү техник технологийн шинэчлэлийг нэвтрүүлэх тал дээр судалгаа хийж байгаа" гэлээ.