Нийслэлд хэрэгжиж буй хатуу хөл хорио гурван хоногийн дараа дуусна. Харин Эрүүл мэндийн яамны зүгээс халдварын тохиолдол эрчимтэй нэмэгдэж байгаатай холбогдуулан хөл хориог 14 хоног сунгах саналаа УОК-т өчигдөр хүргүүлсэн байгаа. Мөн хэлэлцсэн эсэх нь тодорхойгүй байна. Иргэдийн зүгээс хөл хориог сунгах эсэх асуудлыг чих тавин хүлээж буй.
Энэ талаар Шадар сайдын хэвлэлийн төлөөлөгч Ц.Мөнхбаатар УОК-ын Шуурхай штабаас мэдээлэл өглөө.
Тэрээр "Мэргэжлийн байгууллагуудаас хөл хориог 7-14 хоног сунгах хүсэлт гаргасан. УОК өчигдрийн байдлаар хуралдаагүй. Эрүүл мэндийн яам болон холбогдох байгуулагуудын саналыг УОК, Засгийн газар хэлэлцэж, хөл хориог хэд хоногоор сунгахыг шийднэ. Эцсийн шийдвэр гараагүй байна.
Иргэдийн хувьд гадуур явах тохиолдолд заавал зайгаа барих, халдвар хамгааллын дэглэмээ сахих шаардлагатай байна. Цар тахлын эрсдэо бидэнд маш ойр байна. Өдөрт мянга, мянгаараа иргэд өвчилж, эрдэнэт хүний амь эрсдэж байна.
Мэргэжлийн хүмүүсийн хэлж буйгаар шинээр илэрч буй тохиодлууд анх илэрч байсан үеээс илүү хүнд, мутацид орсон байна. Залуу хүн, хууч өвчтэй, ахмад настан гэхгүй хүнд өвчилж байна" гэлээ.
