Дэлхий нийтийг түгшээж, олон зуун хүний амь насыг авч одсон шинэ коронавирус буюу COVID-19 халдвараас хүн ардаа хамгаалах, урьдчилан сэргийлэх үйлсэд тэргүүн эгнээнд ажиллаж байгаа эмч, цагдаа, онцгой байдлын алба хаагчдадаа зориулж иргэд, аж ахуйн нэгж, байгууллагууд халуун сэтгэлээр хандив тусламжийг Улсын онцгой комисст ирүүлсээр байна. Өнөөдрийн байдлаар 116 иргэн, аж ахуй нэгжээс 2000-100 сая хүртэл төгрөгийн хандивыг илгээж, нийт 227 сая гаруй төгрөг төвлөрсөн байгаа аж.
Мөн Монгол улс өолон иргэдийн зүгээс БНХАУ-д хонь хандивлаэ байгаа билээ. Монгол улсын ерөнхийлөгч БНХАУ-д хийсэн айлчлалын хүрээнд Монголын ард түмний сэтгэлийн илэрхийлэл болгож 30 мянган толгой хонь хандивласан. Түүний хандивыг дэмжин олон аймаг, малчид, нийслэл хотын иргэд БНХАУ-д хонь хандивлаж байгаагаа илэрхийлсээр байна.
Харин Монгол улсын Ерөнхийлөгч Х.Баттулга БНХАУ-д айлчлаад эх орондоо ирсэн даруйдаа дагалдан явсан төлөөлөгчдийнхөө хамтаар урьдчилан сэргийлэх тусгаарлалтад орсон байгаа юм.
Энэ талаар УОК-ын дарга Ө.Энхтүвшинээс тодруулав. Тэрээр "Төрийн санд хандивын данс нээсэн. Тэр дансанд иргэдийн хандивууд цуглаж байгаа. Хонины хувьд хэрхэн бөөгнүүлж өгөх талаар ярилцаагүй байна. Ерөнхийлөгч ирсэн даруйдаа тусгаарлалтанд орсон. Тургаарлалтаас гарсны дараа энэ талаар ярилцана. Одоо бол энэ талаар ярилцаагүй байна" гэв.
