УОК өнөөдөр хуралдаж, хурлаас гаргасан шийдвэрүүдийг Гадаад харилцааны сайд Д.Цогтбаатар танилцуулж байна. 

Тэрээр "УОК-ын хурлаар Эрээнд байгаа монгол улсын 50 иргэний тухай асуудлыг ярилцлаа. Эдгээр иргэн 3 дугаар сарын 25-наас эх орондоо ирэх өргөдлөө гаргаад, хариу хүлээж байгаа. Дөрөвдүгээр сарын 10-нд Өвөрмонголын өөртөө засах орны Онцгой комисс манай иргэдийг хилээр нэвтрүүлэх шийдвэр гаргасан. Энэ хугацаад бид судлаад, иргэдтэй холбогдоод өнөөдөр УОК-т асуудлыг оруулаад маргааш өглөө 50 иргэнээ Эрээн-Замын-Үүд боомтоор татаж авах шийдвэр гаргалаа. 

Нийт 50 иргэнийг насаар нь ангилвал, /26 нь эмэгтэй, 24 эрэгтэй/ 

• 0-5 насны 4 хүүхэд,

• 5-18 насны гурван хүүхэд,

• 18-35 насны 17, 

• 35-50 насны 18, 

• 50-аас дээш насны 6,

• Өндөр насны 2 хүн байгаа. 

Мөн гадаадад байгаа иргэддээ ямар нэг хэмжээгээр туслах талаар нэлээд судалж, ярилцлаа. Манай яам саналаа танилцууллаа. УОК-ын даргын үүргийн дагуу саналаа танилцуулсан. Сангийн яам, Хөдөлмөрийн яамтай хамтраад саналаа боловсруулаад УОК-т танилцуулахаар болж байна.

Өнгөрсөн хагас сайн өдөр 6000 гаруй иргэд эх орондоо ирэх хүсэлтэй байсан, энэ тоо байнга өөрчлөгдөж байна. Яг өнөөдрийн байдлаар 7888 иргэн ирэх хүсэлтээ гаргасан байна.

Мэдээж бид нар эрсдэлээ нарын тооцож байгаа. Бид иргэдээ орхихгүй" гэлээ.