Монгол залууст олон улсын хоолны боловсролыг олгохоос гадна зөв боловсон чөлөөт цагаа өнгөрүүлэхэд зориулсан нэгэн гудамж удахгүй ирэх намар нээлтээ хийх гэж байна. Мишээл Экспо төв болон “Китчен олл” тавилгын дэлгүүрийн голд байрлах 174 метрийн урттай 3100 м2 энэхүү талбайд Энэтхэг, Солонгос, Хятад, Европ үндэсний хоолны ресторан ажиллахаас гадна төрөл бүрийн коктейл паб, чанартай дарсны үйлчилгээ, спорт паб, кофе шоп зэрэг иргэдийн эрэлт хэрэгцээг бүрэн хангасан үйлчилгээг нэг дор төвлөрүүлэх аж.
Жилийн дөрвөн улиралд ажиллах тус гудамж нь амралтын өдөр бүр УБ хотынхоо иргэдэд дөрвөн төрлийн ресторан, есөн төрлийн паб, 20 гаруй аж ахуй нэгжийн хоолны наадам /Food festival/-д оролцох боломжийг нээх гэнэ. Мөн манай улсад ирсэн жуулчдын тохь тухтай үйлчлүүлэх нэгэн орчин энд бүрдэх юм байна. 13 төрлийн ресторан, пабаас сонгон, аюулгүй үйлчлүүлэх боломжтой. Учир нь тус гудамж цагдаагийн байгууллага, мэргэжлийн харуул хамгаалалтын дор үйл ажиллагаа явуулах гэнэ.
Амралтын өдөр бүр хоолны наадам зохион байгуулагдаж, оройн цагаар урлаг соёлын тоглолтууд байнга болж, УБ хотын иргэд түгжрэлгүй, соёлтой орчинд гэр бүлээрээ цагийг зугаатай өнгөрүүлж, олон үндэстний хоол зооглож, урлагийн одуудыг дэргэдээс нь харах боломж бүрдэх юм байна. Нэмж хэлэхэд ресторан, пабуудад энэхүү төсөлд хамтран ажиллах боломж нээлттэй байна.
